Información de Marcus Fernández sobre Opergal, asociación a la cual pertenece redem.es, poblicada en Código Cero, Diario de novas tecnolóxicas de Galicia, el 23 de junio de 2011.

Os operadores galegos de redes sen fíos de banda larga únense na loita contra a fenda dixital no rural

Para coordinar e actuar de xeito conxunto no espallamento de redes de banda larga sen fíos en Galicia naceu esta mañá a Asociación de Operadores Galegos de Redes Sen Fíos de Banda Larga, OperGal, formada inicialmente por 10 empresas galegas especializadas no sector que operan redes que dan cobertura de Internet en máis de 110 concellos galegos nos que superan os 11.000 usuarios entre particulares, empresas e administracións públicas.

 

Nota de prensa sobre Opergal, asociación a la cual pertenece redem.es, poblicada por Vía Láctea Comunicación, el 23 de junio de 2011.

Opergal nace para estender a banda larga de Internet a todos os núcleos rurais dos concellos de Galicia

As dez empresas que compoñen a asociación facturan na actualidade 5 millóns de euros anuais e posúen máis de 11.000 usuarios de 120 concellos

Un grupo de dez operadores galegos de Internet asinaron esta mañá os estatutos da Asociación de Operadores Galegos de Redes Sen Fíos de Banda Larga (Opergal), unha nova entidade que nace co obxecto de despregar a banda larga por todas as zonas rurais de Galicia e por aqueles lugares con deficiencias na conexión de calquera concello galego. No acto, que se celebrou no Hotel Puerta del Camino, estiveron presentes os representantes dos dez operadores, entre os que se atopa o presidente de Opergal, Roberto Valverde [abaixo listado das empresas asociadas].
Opergal está integrada actualmente por dez empresas galegas especializadas no sector das telecomunicacións (un 90% das empresas do sector), que xeran máis de 50 postos de traballo. Operan con redes propias e de terceiros que dan cobertura a 120 concellos galegos das catro provincias. Aínda que está conformada nun principio por dez  operadores, a agrupación está aberta á incorporación de novos operadores.